សិក្សាអំពី Variables និង Data Types នៅក្នុង VBA Programming [Ms Access]

ថ្វីត្បិតតែយើងអាចបង្កើតជា databaseទាំងស្រុងដោយមិនចាំបាច់សរសេរេកូដក៏ដោយ តែក្នុងករណីខ្លះការងារមួយចំនួនមិនអាចធ្វើបានដោយស្វ័យប្រវត្តិនោះទេ ហេតុនេះការប្រើប្រាស់ variables គឺជាការសំខាន់មួយសំរាប់ដោះស្រាយបញ្ហា។ Variableជាតម្លៃមួយដែលអ្នកបង្កើតវា ហើយរក្សាវាទុកនៅក្នុង memoryរបស់computer នៅពេលដែលអ្នកចង់ប្រើប្រាស់វា ហើយវា (variable) នឹងត្រូវលុបចេញពីmemoryវិញកាលណាApplicationត្រូវបានបិទ។ ដើម្បីអាចឲ្យ computer memory អាចរក្សាទុកនៅតម្លៃ variable សំរាប់អ្នកបាន លុះណាតែអ្នកធ្វើការប្រកាសវា (declaring variable) ដូចនេះcomputer memory អាចនឹងមានកន្លែងសំរាប់រក្សាតម្លៃ variable សំរាប់អ្នក។ លើសពីនេះ ក្នុងការប្រកាសវា អ្នកត្រូវកំណត់ឈ្មោះ ប្រភេទ និង តម្លៃរបស់variable នោះcomputer memoryអាចដឹងថាអ្នកត្រូវការទំហំmemoryចំនួនប៉ុន្មានសំរាប់រក្សាទុកតម្លៃឲ្យអ្នក។ ចូរកំណត់ចំណាំរបៀបនៃការកំណត់ឈ្មោះឲ្យvariable ដែលជាការអនុវត្តល្អសំរាប់អ្នក៖

• ឈ្មោះរបស់អថេរ ឬ variable ត្រូវតែចាប់ផ្តើមដោយតួអក្សរ (មិនថាអក្សរតូច ឬ អក្សរធំ) ឬ ចាប់ផ្តើមដោយសញ្ញា underscore(_)
• ឈ្មោះមិនអាចមានសញ្ញា (.) ឬ សញ្ញាពិសេសឡើយ ដូចជាសញ្ញា ! @ # $ & ^ ( ) + - = [ ] { } ; -ល- ជាដើម
• ឈ្មោះមិនអាចមានសញ្ញាដកឃ្លាឡើយ ហើយមិនត្រូវមានតួអក្សរវែងពេក(គួរតែត្រឹម៣០តួអក្សរឬ តិចជាងនេះ)
• ឈ្មោះរបស់អថេរមួយមិនអាចដូចគ្នាទៅនឹងឈ្មោះរបស់អថេរមួយផ្សេងទេ
• ហើយក្រៅអំពីអ្វីដែលបានរៀបរាប់ខាងលើ អ្នកកំណត់ជារបៀបនៃការដាក់ឈ្មោះដោយខ្លួនឯងដើម្បីមានភាពងាយស្រួលដល់អ្នក ក្នុងការសរសេរកូដ។

នៅក្នុង VBA គេប្រកាសអថេរ ដោយប្រើប្រាស់ពាក្យ Dim នាំមុខឈ្មោះរបស់អថេរ ហើយបញ្ចប់ដោយ ប្រភេទរបស់វា។ ឧទាហរណ៍៖

 Dim myVariable As DataType  

វាមិនខុសគ្នាពីភាសាprogramming ឯទៀតដែលមានប្រភេទទិន្នន័យដូចគ្នា ដូចជា Boolean, String, Byte, Integer, Long, Single, Double, Currency, Date, Variant និង Object។

 Dim EmployeeIsFullTime As Boolean  
 Dim FullName As String  
 Dim EmployeeStatus As Byte  
 Dim YearHired As Integer  
 Dim DaysOnJob As Long  
 Dim SickTime As Double  
 Dim HourlySalary As Currency  
 Dim DateOfBirth As Date  

ចំពោះ variant Datatype ជាប្រភេទមួយដែលឥតកំណត់ ហើយអ្នកអាចប្រើប្រាស់វា កាលណាអ្នកមិនដឹងច្បាស់នូវប្រភេទរបស់ទិន្នន័យ តែប្រសិនបើអ្នកជាអ្នកចាប់ផ្តើមដំបូងជា VBA សូមចៀសវាងប្រើប្រាស់ ប្រភេទនេះ។ មួយទៀតគឺប្រភេទជា Object ដែលសំដៅដល់ ការប្រើប្រាស់ Class ឬជា Objectរបស់ Application ជាដើម ហើយក្នុងមេរៀនក្រោយៗ យើងនឹងលំអិតលើចំនុចនេះ។

 Dim objVariable As Object  
 Dim app As Application  
 Dim p As ClsPerson  
 Dim currentDB As Database  

ចំណែកឯ Constant គឺជាប្រភេទអថេរដែលតម្លៃរបស់វាមិនប្រែប្រួល ហើយគេតែងប្រើប្រាស់វាសំរាប់ជាការកំណត់នូវតម្លៃជាក់លាក់ណាមួយ ដូចជា PI, Color, Return-Line, NULL, TRUE, FALSE ជាដើម។