អីយ៉ា! Microsoftបានបញ្ចេញកម្មវិធី Officeសំរាប់Android ជាផ្លូវការហើយ

យើងមានចិត្តសប្បាយរីករាយ ដែលយើងបានដាក់ចេញនូវ កម្មវិធី Word, Excel, PowerPoint សំរាប់ពពួកទូរស័ព្ទដែលប្រើប្រាស់ប្រព័ន្ធAndroid នេះជាសម្ដីរបស់អ្នកតំណាងរបស់ Office Client Application and Services Team។ គួរបញ្ជាក់ផងដែរ ក្រុមហ៊ុនយក្ស មួយនេះបានបញ្ចេញនូវ Office for Android Phone Preview រួចហើយកាលពីមួយខែមុន ហើយខ្លួនបានខិតខំធ្វើបន្តរហូតបានចេញជាផ្លូវការនៅថ្ងៃនេះ។ នេះក៏ដោយសារមានការទទូច ចង់បានពីសំណាក់អ្នកប្រើប្រាស់ជាច្រើនអ្នក ដែលចង់បាន Office ជាផ្លូវការ។ កម្មវិធីថ្មីនេះ វាផ្តល់ភាពងាយស្រួលសំរាប់អ្នកប្រើប្រាស់ ជាមួយសេវាកម្មរក្សាទូកទីន្នន័យឯទៀត ដូចជា Google Drive, និង Box។ កម្មវិធី Officeថ្មីនេះមានភាពល្អប្រសើរជាច្រើន។
លក្ខណៈពិសេសមួយចំនួនដែលមាននៅលើ Office for Android Phone ៖

• អ្នកអាចមើល និង កែប្រែឯកសាររបស់អ្នកបានយ៉ាងងាយស្រួល
• អ្នកក៏អាចធ្វើបទបង្ហាញតាមរយៈទូរស័ព្ទបានដែរ តាមរយៈកម្មវិធី Power Point ដែលមាន transition, animation, design ដូចគ្នាទៅនឹងកម្មវិធីដែលមានសំរាប់computerដែរ។
• ស្វែងរកឯកសាររបស់អ្នកបានយ៉ាងងាយ និង ឆាប់រហ័ស ដែលអាចស្វែង ឬ រក្សាទុកនៅក្នុងសេវាកម្មរក្សាទុកទីន្នន័យណាមួយ (ដែលជាដៃគូរបស់ Microsoft)
• ងាយស្រួលទាញយក ដែលសំរាប់ទូរស័ព្ទដែលប្រើប្រាស់ប្រព័ន្ធប្រតិបត្តិការ android ប៉ុន្ដែ សំរាប់ Android M នៅមិនទាន់អាចប្រើប្រាស់បាននៅឡើយទេ។
អ្នកអាចចុចទីនេះបានដើម្បីdownload Word for Android ឬ Excel For Android និង PowerPoint For Android វាជាជំនាន់ថ្មី ហើយអ្នកចាំបាច់ត្រូវតែមាន RAM ចាប់ពី ១ជី និង Android ជំនាន់ Kitkat(4.4.x)