Datacenter គឹសំខាន់ណាស់សំរាប់ស្ថាប័នមួយដែលមិនអាចខ្វះបាន ហើយយើងដឹងហើយវាត្រូវការសីតុណ្ហភាពមួយដែលត្រជាក់។ ក្រុមហ៊ុនធំរួមាន Facebook google បានចំណាយលុយជាច្រើនទៅលើម៉ាស៊ីនត្រជាក់រាល់ខែ ដើម្បីរក្សាសីតុណ្ហភាពនៅក្នុង datacenterរបស់ខ្លួន។ ស្របជាមួយគ្នានេះដែរ Microsoft បានរកឃើញគំនិតមួយ ដោយប្តូរទីតាំង Datacenter ទៅដាក់នៅក្នុងទឹកវិញ ដើម្បីកាត់បន្ថយកាតចំណាយលើម៉ាស៊ីនត្រជាក់ដ៏ច្រើនលើសលប់។ ស្តាប់ទៅហាក់ដូចជាចំលែក តែវាជាអ្វីដែល Microsoft កំពុងព្យាយាមធ្វើ។
បើតាមដឹង គេបានធ្វើការតេស្តរួចហើយកាលពីឆ្នាំមុន ដោយបានដាក់datacenter ទៅក្នុងបាតសមុទ្រក្នុងរយៈពេល ១០៥ថ្ងៃ ហើយអ្នកជំនាញបាននិយាយថាវាទទួលបានជោគជ័យលើសការរំពឹងទុក។ តើមានមូលហេតុអ្វីខ្លះដែលធ្វើឲ្យក្រុមហ៊ុននេះ មានគំនិតបែបនេះ? ជួយកាត់បន្ថយការចំណាយលើថ្លៃ ម៉ាស៊ីនត្រជាក់ ផ្តល់លទ្ធភាពក្នុងការប្រើប្រាស់លឿនជាងមុន ដោយសារមនុស្ស៥០ភាគរយនៃពិភពលោក រស់នៅប្រមាណជា២០០គីឡូម៉ែត្រពីសមុទ្រ។ ល្បឿននៃការបញ្ចូនទិន្នន័យពីdatacenter ទៅកាន់អ្នកប្រើប្រាស់លឿនជាង។ គេក៏បានបញ្ជាក់ផងដែរថា datacenterរបស់គេបញ្ចេញកំដៅតិចតួចទៅក្នុងទឹកវិញផងដែរ។ យ៉ាងណាមិញ នៅមានរឿងខ្វល់ខ្វាយមួយចំនួន ជាក់ស្តែងគឺការមុជទឹករបស់ក្រុមអ្នកជំនាញដើម្បីធ្វើតំហែរទាំដល់ datacenter។ ដោយសារតែក្រុមហ៊ុនយក្សមួយនេះមិនមានអ្នកជំនាញខាងហ្នឹង គេអាចនឹងកំណត់លទ្ធភាពរយៈពេលយូរ(យ៉ាងតិច៥ឆ្នាំ ដាក់នៅក្នុងបាតសមុទ្រ) សំរាប់datacenterនោះ ហើយលើកយកមកលើផ្ទៃទឹកវិញដើម្បីជួសជុល ឬ ថែទាំ។ តើអ្នកយល់ដូចម្ត៉េចដែរ?
